ABBYY ເລັ່ງ​ຂະ​ຫ​ຍາຍ​ສູ່​ຕະຫຼາດ​ລະ​ດັບ​ໂລກ

ABBYY ເລັ່ງ​ຂະ​ຫ​ຍາຍ​ສູ່​ຕະຫຼາດ​ລະ​ດັບ​ໂລກ

ບໍລິສັດອື່ນໆ ຄືກັບ ABBYY ໄດ້ນຳໃຊ້ ເອ໊ກ​ໂຄ່ ເພື່ອນຳເອົາຜະລິດຕະພັນໂປຼແກຼມຄອມພິວເຕີຂອງພວກອອກສູ່ລະ​ດັບໂລກ. ທ່ານສາມາດເຮັດໄດ້ເຊັ່ນກັນ.

ປະຫວັດ

ABBYY ໄດ້ຮັບ​ການເຕີບໂຕທີ່ບໍ່ເຄີຍ​ຄາດ​ຫວັງ​ມາ​ກ່ອນ ແລະ ນັກວິເຄາະການຕະຫຼາດຫຼາຍ​ທ່ານເຫັນ​ວ່າ ABBYY ເປັນ​ບໍ​ລິ​ສັດ​ນຳ​ໜ້າ ດ້ານໂປຼແກຼມ OCR (Optical Character Recognition). ເປັນຫຼາຍປີແລ້ວທີ່ ABBYY ໄດ້ຖືກ​ຄັດເລືອກໃຫ້ຮັບລາງວັນຈຳນວນຫຼວງຫຼາຍ ລວມທັງລາງວັນ Fujitsu Quarterly Innovative Leadership Award ແລະ ໃນປີ 2011 ໄດ້ຖືກຄັດເລືອກໃຫ້ຮັບລາງວັນ KMWorld 100 ບໍ​ລິ​ສັດ​ທົ່ວ​ໂລ​ກ​ທີ່​ສາ​ມາດຄຸ້ມ​ຄອງ​ຄວາມ​ຮູ້ (5 ປີ ທີ່​ໄດ້​ເຂົ້າ​ໃນ​ຮອບ​ຄັດ​ເລືອກ).

ຄວາມສຳເລັດຂອງພວກເຂົາ ໄດ້ເປັນ​ທີ່ຮັບ​ຮູ້​ກັນທົ່ວໂລກ ແລະ ໄດ້ກະຕຸ້ນຄວາມຕ້ອງການໂປຼແກຼມໃຊ້ງານເປັນພາສາຕ່າງປະເທດ ໃນຫຼາຍພາສາ. ຄວາມຕ້ອງການສຳລັບໂປຼແກຼມຮູບແບບຫຼາຍພາສານີ້ ໄດ້ຜັກດັນໃຫ້ ABBYY ເລັ່ງແຜນການ ຫັນ​ເປັນພາສາທ້ອງຖິ່ນ ແລະ ສຸມໃສ່ການສ້າງ ວິທີການແກ້ໄຂລະດັບໂລກຢ່າງແທ້ຈິງ ທີ່ມີຄວາມສາມາດໃນການຂະຫຍາຍການເຮັດວຽກ ໃຫ້ກັບລູກຄ້າທີ່ມີຢູ່ ໃນຂະນະທີ່ໃຫ້ບໍລິການຕະຫຼາດສາກົນ ແຫ່ງໃໝ່ໆ.

 

ສິ່ງທ້າທາຍ

  • ABBYY ຈຳເປັນຕ້ອງເຂົ້າເຖິງຕະຫຼາດໃຫ້ໄວທີ່ສຸດ ເພາະມີຄວາມຕ້ອງການສູງສຸດສຳລັບສິນຄ້າຂອງພວກເຂົາໃນລະດັບສາກົນ

  • ABBYY ຍັງບໍ່ທັນໄດ້ຫັນ ໂປຼແກຼມໃຊ້ງານຂອງພວກເຂົາ ​ເປັນ​ທ້ອງ​ຖິ່ນພາ​ສາ​ອາ​ຊີ ມາ​ກ່ອນ ລວມທັງພາສາໄທ

  • ຍ້ອນ​ວ່າ ABBYY ມີບໍລິສັດບໍລິການດ້ານພາສາພາຍໃຕ້ການຄຸ້ມຄອງຂອງພວກເຂົາ, ABBYY ຈຶ່ງມີຄວາມຄາດຫວັງດ້ານຄຸນນະພາບທີ່ຊັດເຈນ ແລະ ຂັ້ນຕອນພາຍໃນທີ່ ເອ໊ກ​ໂຄ່ ຕ້ອງໄດ້ປະຕິບັດຕາມ

  • ABBYY ມີ​ເນື້ອ​ໃນ​ນັບຫຼາຍກວ່າແສນຄຳ ໃນຮູບແບບຕ່າງໆ ລວມທັງ GUI ແລະ ລະ​ບົບຊ່ວຍເຫຼືອ ສຳ​ລັບຜະລິດຕະພັນຕ່າງໆຂອງພວກເຂົາ, ນອກຈາກເນື້ອ​ໃນດ້ານການຕະຫຼາດ ແລະ ເວັບໄຊ

 

ວິ​ທີການແກ້ໄຂ

  • ວິທີການທີ່ອີງໃສ່ພາກປະ​ຕິບັດທີ່ດີທີ່ສຸດ ແລະ ມາດຕະຖານ ແລະ ເຄື່ອງມືການໂລຄໍໄລເຊຊັ່ນທີ່ເປັນທີ່ຍອມຮັບໃນອຸດສາຫະກຳ

  • ການທົດສອບນາຍ​ພາ​ສາ​ຜູ້​ທີ່​ຈະ​ຖືກມອບ​ໝາຍ​ໂຄ​ງ​ການ ທັງ​ໝົດ​ຢ່າງ​ລະ​ອຽດ

  • ກຳນົດເວ​ລາການໂລຄໍໄລເຊຊັ່ນທີ່ຂຸ້ນຂ້ຽວ ເພື່ອເປີດໂຕໂປຼແກຼມເປັນ ພາສາເອີຣົບ ແລະ ພາສາອາຊີ

  • ເມື່ອສຳເລັດການໂລຄໍໄລເຊຊັ່ນ FineReader9 ເປັນພາສາໄທ, ເອ໊ກ​ໂຄ່ ໄດ້ໂລຄໍໄລເຊຊັ່ນ FineReader, PDF Transformer, FlexiCapture, Recognition ຫັ​ນຜະລິດຕະພັນ Server ແລະ Lingvo Mobile ເປັນພາສາເອີຣົບ ແລະ ພາສາອາຊີ ລວມທັງ: ພາສາຫວຽດນາມ, ພາສາເກົາຫຼີ, ພາສາຈີນແບບກະ​ທັດ​ຫັດ, ພາສາຍີ່ປຸ່ນ, ພາສາບ​ຣາ​ຊີນໂປຼຕຸເກດ, ພາສາດັຈ, ພາສາສະວີເດັນ, ພາສາເກຼັກ ແລະ ພາສາລີທົວເນຍ

 

ຜົນໄດ້ຮັບ

ແບບຢ່າງການຜະລິດທີ່ລວມສູນຂອງ ເອ໊ກ​ໂຄ່ ໄດ້ໃຫ້ວິ​ທີ​ການ​ແກ້​ໄຂແຕ່ຕົ້ນຈົນຈົບແກ່ລູກຄ້າ, ຈາກການໃຫ້ຄຳປຶກສາຈົນເຖິງການຈັດ​ຕັ້ງ​ປະ​ຕິ​ບັດ ຂັ້ນສຸດທ້າຍ.  ABBYY ໄດ້​ຜົນປະໂຫຍດຢ່າງ​ພົ້ນ​ເດັ່ນ ຈາກການພົວ​ພັນ​ກັບ ເອ໊ກ​ໂຄ່ ​ດັ່​ງ​ຕໍ່​ໄປ​ນີ້:

  • ມີໄຫວພິບ – ແທນທີ່ຈະດຳ​ເນີນ​ການ ກັບທຸ​ກ​ພາ​ສາພ້ອມໆກັນ, ການທົດລອງເປັນ​ພາ​ສາ​ໄທທີ່ມີການຄວບຄຸມໄດ້ຊ່ວຍໃຫ້ ABBYY ສາມາດປະເມີນຄວາມສາມາດ ແລະ ຂັ້ນຕອນດຳເນີນງານຂອງ ເອ໊ກ​ໂຄ່ ໄດ້ຢ່າງຖືກຕ້ອງ ກ່ອນທີ່ຈະດຳ​ເນີນ​ຕໍ່​ໄປ​ກັບ ພາສາຊັ້ນນຳອື່ນໆ

  • ຖືຄຸນນະພາບເປັນຫຼັກ – ໂດຍການທົດສອບນາຍພາສາທັງ​ໝົດ ໃນສາຍການຜະລິດຂອງ ABBYY, ຄວາມຊ່ວຍເຫຼືອ ແລະ ເອກະສານສຳລັບຜູ້ໃຊ້, ພວກເຮົາສາມາດ ວາງ ຊັບພະຍາກອນທີ່ມີຄຸນສົມບັດເໝາະສົມທີ່ສຸດໃຫ້ກັບໂຄງການ

  • ມີມາດຕະຖານ – ໂດຍການປະຕິບັດຕາມຂັ້ນຕອນການດຳເນີນງານສະ​ເພາະ ໃນຂະນະທີ່ນຳໃຊ້ມາດຕະຖານອຸດສາຫະກຳໃນການຫັນ​ເປັນ​ທ້ອງຖິ່ນ, ລວມທັງ ການໃຊ້ເຄື່ອງມື ຊຶ່ງໄດ້​ເຮັດ​ໃຫ້​ໄດ້​ຮັບ​ຄຸນນະພາບການແປພາ​ສາ​ທີ່ເກີນຄວາມຄາດໝາຍ

  • ມີຄວາມຄ່ອງຕົວ – ຫຼັງຈາກມີການທົບທວນຄືນການທົດລອງ ຈຶ່ງ​ສາ​ມາດຈັດ​ກຸ່ມຫຼາຍພາສາເຂົ້າກັນ ເພື່ອທີ່ຈະ ສາ​ມາດ​ສົ່ງຮູບແບບຫຼາຍພາສາພ້ອມກັນ, ຊ່ວຍໃຫ້ສາມາດປະຕິບັດຕາມແຜນການເປີດໂຕທີ່ຂຸ້ນຂ້ຽວຂອງ ABBYY ແລະ ເລີ່ມໄດ້​ຮັບ​ຜົນ​ຄືນ ຈາກ​ການ​ລົງ​ທຶນ​ຂອງ​ພວກ​ເຂົາ

  • ມີຄວາມຍືນຍົງ – ມີຈຸດດຽວໃນການບໍລິຫານຄຸ້ມຄອງ ແລະ ນຳມາ​ໃຊ້​ເປັນ​ປະ​ໂຫຍດຊັບສິນທີ່ເປັນເນື້ອໃນຫຼາຍພາສາ ສຳລັບແຕ່ລະພາສາເປົ້າໝາຍ, ຊັບສິນໄດ້ຮັບການຍົກລະດັບ ໃນແຕ່ລະໂຄງການ

More » Content

Contact Us